Merlyn van der Rheede (projekbestuurder van die Taalraad)
Die Afrikaanse Taalraad verwelkom die aanstelling van Merlyn van der Rheede (projekbestuurder van die Taalraad) as addisionele lid van die uitvoerende komitee van die konvokasie van die Universiteit Stellenbosch.
Van der Rheede, wat haarself as onafhanklike lid van die komitee beskou, ondersteun Afrikaans en moedertaalonderrig onomwonde. Gelykberegtigde meertaligheid en die toegang van voorheen benadeelde Afrikaanssprekendes, veral van jong vroue, lê haar ook na aan die hart.
Die Afrikaanse Taalraad wens Van der Rheede sterkte toe in dié rol en noem dat die toekoms van Afrikaans aan dié universiteit gekoppel is aan die suksesvolle implementering van meertalige praktyke, asook die sistematiese uitbou van Xhosa.
Ons hoop die nuwe uitvoerende komitee sal ook hieraan aandag skenk.
Intussen hoor die Taalraad graag van studente of dosente wat met taalkwessies sukkel, ongeag hulle taalagtergrond (atr@afrikaansetaalraad.co.za).
Ons hoop enige gebreke van die huidige beleid kan met die hersiening daarvan reggestel word, iets wat oop en konstruktiewe gesprek tussen alle rolspelers sal vereis.
The post Persvrystelling: Merlyn van der Rheede op US se konvokasie aangestel appeared first on LitNet.