Die ontydige heengaan van Shaleen Surtie-Richards is ’n gevoelige verlies vir die Afrikaanse vermaaklikheidswêreld. Dit gebeur op ’n tydstip dat Afrikaans vele uitdagings in die gesig staar. Wat Sharlene so ’n besondere mens gemaak het, was dat sy onbeskroomd en onpretensieus Afrikaans was.
Haar Afrikaans, wat duidelike kenmerke getoon het van Gariepafrikaans, haar bakermat, was so ryk aan seggingskrag en verstommende eenvoud, dog diep.
Sy sal veral onthou word vir die talle Afrikaanse rolle wat sy vertolk het en daardeur haarself in die hart van selfs die Engelssprekende gemeenskap genestel het.
Sy was immers allereers mens, dan Afrikaanssprekende. Sy is inderdaad ’n ikoon vir die Afrikaanse vermaaklikheidswêreld, maar ook ’n ikoon vir die Afrikaanse toneelwese.
Mag haar voorbeeld vir talle jong akteurs ’n inspirasie wees om altyd jouself te wees en nie in terme van iemand anders gedefinieer te word nie.
Shaleen se oorlyde laat ’n leemte wat moeilik gevul sou word. Sy het voluit gelewe en kan inderdaad in vrede gaan rus. Rus sag, ikoon, sepiester, toneelspeler, ontvanger van verskeie toekennings en bowenal, allemansvriendin.
Hendrik Theys
Lid van die Afrikaanse Taalraad
Lees ook:
The post Die ATR huldig Shaleen Surtie-Richards appeared first on LitNet.